ರವೆ ದೋಸೆ:

ಸಾಮಗ್ರಿಗಳು: 

ಉಪ್ಪಿಟ್ಟಿನ ರವೆ 2 ಕಪ್, ತೆಂಗಿನ ತುರಿ 2 ಚಮಚ, ಸಣ್ಣಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪು 1 ಚಮಚ, ಸಣ್ಣಗೆ ಹೆಚ್ಚಿದ ಹಸಿ ಮೆಣಸಿನ ಕಾಯಿ 1 ಚಮಚ, ಉಪ್ಪು- ರುಚಿಗೆ

ವಿಧಾನ: 

ರವೆಗೆ ಒಮ್ಮೆ ನೀರು ಹಾಕಿ ತೊಳೆದು ಬಸಿದುಕೊಂಡು ಮತ್ತೆ ಅದು ಮುಳುಗುವಷ್ಟು ನೀರು ಹಾಕಿ 10-15 ನಿಮಿಷ ನೆನೆಯಲು ಬಿಡಿ. ಇದು ನೆನೆದ ಮೇಲೆ ಒಂದು ತಟ್ಟೆಗೆ ನೀರನ್ನು ಪೂರ್ತಿಯಾಗಿ ಬಸಿದುಕೊಂಡು, ನೆಂದ ರವೆಯನ್ನು ಮಿಕ್ಸಿಗೆ ಹಾಕಿ 4-5 ಸೆಕೆಂಡ್ ರುಬ್ಬಿ ತೆಗೆಯಿರಿ. ಬಸಿದಿಟ್ಟುಕೊಂಡ ನೀರನ್ನು ರುಬ್ಬಿದ ಹಿಟ್ಟಿಗೆ ಸೇರಿಸಿ ಬೇರೆ  ದೋಸೆ ಹಿಟ್ಟಿನಕಿಂತ ಸ್ವಲ್ಪ ತೆಳ್ಳಗೆ ಮಾಡಿಕೊಂಡು ಇದಕ್ಕೆ ತೆಂಗಿನ ತುರಿ, ಕೊತ್ತಂಬರಿ ಸೊಪ್ಪು, ಹಸಿ ಮೆಣಸಿನ ಕಾಯಿ, ಉಪ್ಪು ಎಲ್ಲವನ್ನು ಸೇರಿಸಿ ಚೆನ್ನಾಗಿ ಕಲಕಿಕೊಂಡು ಮಧ್ಯಮ ಉರಿಯಲ್ಲಿ ತೆಳ್ಳಗಿನ ದೋಸೆ ಮಾಡಿ ಎರಡೂ ಕಡೆ ಬೇಯಿಸಿ. ಮೆತ್ತಗಿನ, ಬಿಸಿ ಬಿಸಿ ದಿಢೀರ್ ರವೆ ದೋಸೆಯನ್ನು ತುಪ್ಪ ಮತ್ತು ಚಟ್ನಿ ಜೊತೆ ಸವಿಯಿರಿ. 

(ವಿಜಯವಾಣಿ ಪತ್ರಿಕೆಗೆ ಕಳಿಸಿ ಪ್ರಕಟವಾದ ಅಡುಗೆ)