ಸಾಮಗ್ರಿಗಳು: ಮಧ್ಯಮ ಗಾತ್ರದ ಬಲೂನ್ ಬದನೇಕಾಯಿ 1, ತೆಂಗಿನ ತುರಿ 2 ಕಪ್, ಬೆಳ್ಳುಳ್ಳಿ 10-15 ಎಸಳು, ಹಸಿ ಮೆಣಸಿನ ಕಾಯಿ (ಅಥವಾ ಸೂಜು ಮೆಣಸು / ಜೀರಿಗೆ ಮೆಣಸು) ಖಾರಕ್ಕೆ, ವಾಟೆ ಪುಡಿ / ಅಮ್ಚೂರ್ ಪೌಡರ್ 1 ಚಮಚ, ಎಣ್ಣೆ 4-5 ಚಮಚ, ಕರಿಬೇವು ಸ್ವಲ್ಪ, ಸಾಸಿವೆ - ಜೀರಿಗೆ ಸ್ವಲ್ಪ, ಅರಿಶಿನ ಪುಡಿ 1/4 ಚಮಚ, ಉಪ್ಪು ರುಚಿಗೆ ತಕ್ಕಷ್ಟು.
ವಿಧಾನ: ಬದನೆಕಾಯಿಯನ್ನು ಕೆಳಗೆ ಚಿತ್ರದಲ್ಲಿ ತೋರಿಸಿದಂತೆ ಹೆಚ್ಚಿಕೊಳ್ಳಿ.
ಬೆಳ್ಳುಳ್ಳಿಯನ್ನು ಜಜ್ಜಿಕೊಳ್ಳಿ (ಸೂಜು ಮೆಣಸಾದರೆ ಬೆಳ್ಳುಳ್ಳಿ ಜೊತೆಯೇ ಜಜ್ಜಿ), ಹಸಿ ಮೆಣಸನ್ನು ಉದ್ದಕ್ಕೆ ಸೀಳಿಕೊಳ್ಳಿ. ನಂತರ ಬಾಣಲೆಗೆ ಎಣ್ಣೆ, ಜೀರಿಗೆ, ಸಾಸಿವೆ, ಕರಿಬೇವು ಹಾಕಿ ಒಗ್ಗರಣೆ ಮಾಡಿ ಅದಕ್ಕೆ ಜಜ್ಜಿದ ಬೆಳ್ಳುಳ್ಳಿ, ಮೆಣಸಿನ ಕಾಯಿ, ಅರಿಶಿನ ಪುಡಿ ಹಾಕಿ. ಬೆಳ್ಳುಳ್ಳಿ ಹುರಿದ ಮೇಲೆ ಹೆಚ್ಚಿಟ್ಟುಕೊಂಡ ಬದನೇಕಾಯಿ ಹಾಕಿ, ಅದು ಮುಳುಗುವಷ್ಟು ನೀರು ಹಾಕಿ, ಉಪ್ಪು, ವಾಟೆ ಪುಡಿ / ಅಮ್ಚೂರ್ ಪುಡಿ ಹಾಕಿ ಕಲಕಿ, ಮುಚ್ಚಿ ಚೆನ್ನಾಗಿ ಬೇಯಿಸಿ.
ಬದನೇಕಾಯಿ ಮೆತ್ತಗೆ ಬೆಂದ ಮೇಲೆ (ಸ್ವಲ್ಪ ಪ್ರಮಾಣದಲ್ಲಿ ನೀರು ಇರಲಿ, ಪೂರ್ತಿ ಆರುವುದು ಬೇಡ, ಬೇಕಿದ್ದರೆ ಸ್ವಲ್ಪ ನೀರು ಸೇರಿಸಿ) ತುರಿದಿಟ್ಟ ತೆಂಗಿನಕಾಯಿ ಹಾಕಿ ಚೆನ್ನಾಗಿ ಕಲಕಿ. ಉಳಿದ ನೀರಿನಲ್ಲಿ ತೆಂಗಿನ ಕಾಯಿ ಬೇಯಲಿ. ಉಪ್ಪು, ಹುಳಿ ಸರಿಯಿದೆಯೇ ಎಂದು ಪರೀಕ್ಷಿಸಿಕೊಳ್ಳಬಹುದು, ಖಾರ ಸ್ವಲ್ಪ ಜಾಸ್ತಿ ಇರಲಿ. ನೀರು ಪೂರ್ತಿ ಆರಿದ ಮೇಲೆ ಉರಿ ಆರಿಸಿ. ಈ ಪಲ್ಯವನ್ನು ಬಿಸಿ ಬಿಸಿ ಅನ್ನದೊಡನೆ ಮತ್ತು ಚಪಾತಿಯೊಡನೆ ಸವಿದು ನೋಡಿ.
ಸೂಚನೆ : ಈ ಪಲ್ಯಕ್ಕೆ ತೆಂಗಿನ ಕಾಯಿ ಮತ್ತು ಖಾರ ಜಾಸ್ತಿ ಇದ್ದರೆ ಮಾತ್ರ ರುಚಿ ಜಾಸ್ತಿ.
ಬದನೇಕಾಯಿ ಮೆತ್ತಗೆ ಬೆಂದ ಮೇಲೆ (ಸ್ವಲ್ಪ ಪ್ರಮಾಣದಲ್ಲಿ ನೀರು ಇರಲಿ, ಪೂರ್ತಿ ಆರುವುದು ಬೇಡ, ಬೇಕಿದ್ದರೆ ಸ್ವಲ್ಪ ನೀರು ಸೇರಿಸಿ) ತುರಿದಿಟ್ಟ ತೆಂಗಿನಕಾಯಿ ಹಾಕಿ ಚೆನ್ನಾಗಿ ಕಲಕಿ. ಉಳಿದ ನೀರಿನಲ್ಲಿ ತೆಂಗಿನ ಕಾಯಿ ಬೇಯಲಿ. ಉಪ್ಪು, ಹುಳಿ ಸರಿಯಿದೆಯೇ ಎಂದು ಪರೀಕ್ಷಿಸಿಕೊಳ್ಳಬಹುದು, ಖಾರ ಸ್ವಲ್ಪ ಜಾಸ್ತಿ ಇರಲಿ. ನೀರು ಪೂರ್ತಿ ಆರಿದ ಮೇಲೆ ಉರಿ ಆರಿಸಿ. ಈ ಪಲ್ಯವನ್ನು ಬಿಸಿ ಬಿಸಿ ಅನ್ನದೊಡನೆ ಮತ್ತು ಚಪಾತಿಯೊಡನೆ ಸವಿದು ನೋಡಿ.
ಸೂಚನೆ : ಈ ಪಲ್ಯಕ್ಕೆ ತೆಂಗಿನ ಕಾಯಿ ಮತ್ತು ಖಾರ ಜಾಸ್ತಿ ಇದ್ದರೆ ಮಾತ್ರ ರುಚಿ ಜಾಸ್ತಿ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ