ಸೋರೆಕಾಯಿ ಸಾಂಬಾರ್, ಪಲ್ಯ, ಪಾಯಸ ಮಾಡುವಾಗ ತಿರುಳು ಹಾಕಿದರೆ ಚೆನ್ನಾಗಿರರುವುದಿಲ್ಲ. ಆದ್ದರಿಂದ ಎಳೆಯ ಅಥವಾ ತುಂಬಾ ಬಲಿತು ಬೀಜ ಗಟ್ಟಿಯಾಗದ ತಿರುಳನ್ನು ತೆಗೆದು ಈ ಗೊಜ್ಜು ಮಾಡಿ ನೋಡಿ.
ಸಾಮಗ್ರಿಗಳು:
ಹೆಚ್ಚಿಕೊಂಡ ಸೋರೆಕಾಯಿ (ಹಾಲುಗುಂಬಳ) ತಿರುಳು : 1 ಕಪ್
ತೆಂಗಿನ ತುರಿ : 1/2 ಕಪ್
ಹುಣಸೆ ಹಣ್ಣು : ನೆಲ್ಲಿಕಾಯಿ ಗಾತ್ರ
ಬೆಲ್ಲ : 1 ಟೇಬಲ್ ಚಮಚ
ಹಸಿಮೆಣಸಿನ ಕಾಯಿ : 2-3 (ನಿಮ್ಮ ಖಾರಕ್ಕೆ ತಕ್ಕಷ್ಟು)
ಉಪ್ಪು : ರುಚಿಗೆ
ಒಗ್ಗರಣೆಗೆ :
ಎಣ್ಣೆ : 1 ಚಮಚ
ಉದ್ದಿನ ಬೇಳೆ : 1/2 ಚಮಚ
ಸಾಸಿವೆ : 1/2 ಚಮಚ
ವಿಧಾನ :
ಸೋರೆಕಾಯಿ ತಿರುಳನ್ನು ನೀರು, ಹುಣಸೆಹಣ್ಣು, ಬೆಲ್ಲ ಹಸಿಮೆಣಸಿನ ಕಾಯಿ ಹಾಕಿ ಬೇಯಿಸಿಕೊಳ್ಳಿ. ಮಿಕ್ಸಿ ಜಾರ್ ಗೆ ತೆಂಗಿನ ತುರಿ, ಉಪ್ಪು, ಸ್ವಲ್ಪ ನೀರು (ಬೇಯಿಸಿದ ನೀರಿದ್ದರೆ ಅದನ್ನೇ ಹಾಕಿ) ಹಾಕಿ ಎರಡು ಸುತ್ತು ರುಬ್ಬಿ. ನಂತರ ಬೇಯಿಸಿಕೊಂಡ ಮಿಶ್ರಣ ಹಾಕಿ ತರಿ ತರಿಯಾಗಿ ರುಬ್ಬಿಕೊಂಡು ಎಣ್ಣೆ, ಉದ್ದಿನ ಬೇಳೆ, ಸಾಸಿವೆ ಒಗ್ಗರಣೆ ಮಾಡಿದರೆ ಸರಳ ಹಾಗೂ ರುಚಿಕರವಾದ, ಹುಳಿ - ಸಿಹಿ ಗೊಜ್ಜು ಸಿದ್ಧ. ಇದನ್ನು ಅನ್ನದ ಜೊತೆ ಸವಿದು ನೋಡಿ. ದೋಸೆಯ ಜೊತೆ ಸಹ ಚೆನ್ನಾಗಿರುತ್ತದೆ.
ಸಲಹೆ: ನಾಟಿ ಸೋರೆಕಾಯಿ (ಮನೆಯಲ್ಲೇ ಬೆಳೆದಿದ್ದು) ಆದರೆ ಇನ್ನೂ ಚೆನ್ನಾಗಿರುತ್ತದೆ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ