ಸಾಮಗ್ರಿಗಳು :
ಅಕ್ಕಿ : 1 ಕಪ್
ತುರಿದ ಮಾವಿನಕಾಯಿ : 2 ಟೇಬಲ್ ಚಮಚ (ತೋತಾಪುರಿ ಆದರೆ ಒಳ್ಳೆಯದು, ಬೇರೆ ಹುಳಿ ಮಾವಿನಕಾಯದರೆ 1 ಚಮಚ ಸಾಕು)
ಕ್ಯಾಪ್ಸಿಕಂ :1
ಕರಿಬೇವು : 6-8 ಎಲೆಗಳು
ಹೆಚ್ಚಿದ ಕೊತ್ತಂಬರಿಸೊಪ್ಪು : 1 ಟೇಬಲ್ ಚಮಚ
ಶುಂಠಿ : 1/2 ಇಂಚು
ಮೆಂತ್ಯ ಕಾಳು : 6-8
ತೆಂಗಿನ ತುರಿ : 2 ಟೇಬಲ್ ಚಮಚ
ಎಣ್ಣೆ : 4 ಟೇಬಲ್ ಚಮಚ
ಸಾಸಿವೆ: 1/2 ಚಮಚ
ಒಣಮೆಣಸು : 1
ಹಸಿಮೆಣಸು : 2
ಅರಿಶಿನ ಪುಡಿ : 1/4 ಚಮಚ
ಸಕ್ಕರೆ / ಬೆಲ್ಲ : 1/2 ಚಮಚ
ಉಪ್ಪು: ರುಚಿಗೆ
ವಿಧಾನ :
ಕ್ಯಾಪ್ಸಿಕಂ ಅನ್ನು ಒಂದಿಂಚು ದೊಡ್ಡದಾಗಿ ಚೌಕಾಕಾರಕ್ಕೆ ಕತ್ತರಿಸಿಕೊಳ್ಳಿ. ಬಾಣಲೆಗೆ ಮೆಂತ್ಯ ಕಾಳು ಹಾಕಿ ಸ್ವಲ್ಪ ಹುರಿದುಕೊಂಡು, ಅದಕ್ಕೆ ಹಸಿಮೆಣಸು, ಕರಿಬೇವು, ಕೊತ್ತಂಬರಿ ಸೊಪ್ಪು, ತೆಂಗಿನ ತುರಿ ಮತ್ತು ಶುಂಠಿ ಎಲ್ಲವನ್ನೂ ಹಾಕಿ ಹುರಿಯಿರಿ (ಎಣ್ಣೆ ಹಾಕದೇ ಹುರಿಯಬೇಕು). ನಂತರ ಇದನ್ನು ಮಿಕ್ಸಿ ಗೆ ಹಾಕಿ ಸ್ವಲ್ಪ ನೀರು ಹಾಕಿ ನುಣ್ಣಗೆ ರುಬ್ಬಿಕೊಳ್ಳಿ. ಕುಕ್ಕರ್ ಗೆ ಎಣ್ಣೆ, ಸಾಸಿವೆ ಹಾಕಿ ಚಿಟಪಟಾಯಿಸಿ. ಅದಕ್ಕೆ ಒಣ ಮೆಣಸು, ಅರಿಶಿನ ಪುಡಿ ಹಾಕಿ. ಈಗ ಹೆಚ್ಚಿದ ಕ್ಯಾಪ್ಸಿಕಂ ಹಾಕಿ ಒಮ್ಮೆ ಫ್ರೈ ಮಾಡಿ, ಇದಕ್ಕೆ ತುರಿದ ಮಾವಿನಕಾಯಿ, ಉಪ್ಪು ಹಾಕಿ ಸ್ವಲ್ಪ ಫ್ರೈ ಮಾಡಿ. ನಂತರ ರುಬ್ಬಿದ ಮಿಶ್ರಣ ಹಾಕಿ ಹಸಿವಾಸನೆ ಹೋಗುವತನಕ ಹುರಿದು ತೊಳೆದ ಅಕ್ಕಿ, ನೀರು ಮತ್ತು ಸಕ್ಕರೆ/ಬೆಲ್ಲ ಹಾಕಿ ಚೆನ್ನಾಗಿ ಕಲಕಿ ಮುಚ್ಚಳ ಮುಚ್ಚಿ 3 ವಿಷಲ್ ಕೂಗಿಸಿದರೆ ಮಾವಿನಕಾಯಿ ಬಾತ್ ಸಿದ್ಧ.
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ