ಹೀರೇಕಾಯಿ ತ೦ಬುಳಿ :

ಸಾಮಗ್ರಿಗಳು : ಸಿಪ್ಪೆ ತೆಗೆದು ಹೆಚ್ಚಿದ ಹೀರೇಕಾಯಿ ½ ಕಪ್, ಎಳ್ಳು -1  ಚಮಚ , ಖಾರ ಕಡಿಮೆ ಇರುವ ಹಸಿಮೆಣಸು 1, ತೆ೦ಗಿನ ತುರಿ ¼ ಕಪ್, ಉಪ್ಪು ರುಚಿಗೆ ತಕ್ಕಷ್ಟು, ಮಜ್ಜಿಗೆ ½ ಲೋಟ ಅಥವಾ ಹುಣಸೆ ರಸ -1  ಚಮಚ, ಎಣ್ಣೆ - 1  ಚಮಚ, ಸಾಸಿವೆ ¼ ಚಮಚ, ಕೆ೦ಪುಮೆಣಸು 1.

 ವಿಧಾನ : ಹೆಚ್ಚಿಕೊ೦ಡ ಹೀರೇಕಾಯಿ, ಎಳ್ಳು & ಹಸಿ ಮೆಣಸನ್ನು ½ ಚಮಚ ಎಣ್ಣೆ ಹಾಕಿ 2-3 ನಿಮಿಷ ಹುರಿದುಕೊಳ್ಳಿ. ಬಿಸಿ ಆರಿದಮೇಲೆ ತೆ೦ಗಿನತುರಿ ಜೊತೆ ಸೇರಿಸಿ ನುಣ್ಣಗೆ ರುಬ್ಬಿ ಪಾತ್ರೆಗೆ ಹಾಕಿ ಅದಕ್ಕೆ ೨ ಲೋಟ ನೀರು ಸೇರಿಸಿ. (ಮಜ್ಜಿಗೆ ಇಷ್ಟ ಪಡದವರು ರುಬ್ಬುವಾಗ ಹುಣಸೇರಸ ಸೇರಿಸಿ) ಅದಕ್ಕೆ ಮಜ್ಜಿಗೆ ಹಾಕಿ, ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿ, ಸಾಸಿವೆ & ಕೆ೦ಪು ಮೆಣಸಿನ ಒಗ್ಗರಣೆ ಕೊಡಿ. ಇದು ಅನ್ನದ ಜೊತೆ ಹಾಗೂ ಹಾಗೆ ಕುಡಿಯಲು ಚೆನ್ನಾಗಿರುತ್ತದೆ.