ಕಳಲೆ ಪಕೋಡ :

ಸಾಮಗ್ರಿಗಳು : ಕಳಲೆ ಸ್ಲೈಸ್ 1 ಕಪ್, ಕಡಲೆ ಹಿಟ್ಟು 1 ಕಪ್, ಅಕ್ಕಿ ಹಿಟ್ಟು 1/4 ಕಪ್, ಮೆಣಸಿನಪುಡಿ 2 ಚಮಚ, ಜೀರಿಗೆ 1 ಚಮಚ, ಓಮು 1/2 ಚಮಚ, ಇ೦ಗು, ಉಪ್ಪುರುಚಿಗೆ ತಕ್ಕಷ್ಟು, ಎಣ್ಣೆ ಕರಿಯಲು.

ವಿಧಾನ : ಕಡಲೆಹಿಟ್ಟು, ಅಕ್ಕಿ ಹಿಟ್ಟು, ಮೆಣಸಿನಪುಡಿ, ಉಪ್ಪು ಹಾಕಿ ಸಲ್ಪ ನೀರು ಹಾಕಿ ಬಜ್ಜಿ ಹದಕ್ಕೆ ಕಲೆಸಿಕೊಳ್ಳಿ. ಇದಕ್ಕೆ ಜೀರಿಗೆ ಓಮು ಮತ್ತು ಇ೦ಗನ್ನು ಅರೆದು ಹಾಕಿ. ನಿಮಿಷ ಹಾಗೆ ಬಿಡಿ. ಬಾಣಲೆಗೆ ಎಣ್ಣೆ ಹಾಕಿ ಎಣ್ಣೆ ಕಾದ ಮೇಲೆ ಕಳಲೆ ಸ್ಲೈಸ್ ನ್ನು ಹಿಟ್ಟಿನಲ್ಲಿ ಅದ್ದಿ ಹೊ೦ಬಣ್ಣ ಬರುವವರೆಗೆ ಎಣ್ಣೆಯಲ್ಲಿ ಕರಿದರೆ ಬಿಸಿ ಬಿಸಿ ಕಳಲೆ ಬಜ್ಜಿ / ಪಕೋಡ ತಿನ್ನಲು ಸಿದ್ಧ.

ವಿಧಾನ 2 : ಕಳಲೆಯನ್ನು ಸಣ್ಣದಾಗಿ ಹೆಚ್ಚಿ ಮೇಲೆ ಹೇಳಿದ ಥರ ಹಿಟ್ಟು ತಯಾರಿಸಿಕೊ೦ಡು, ಇದಕ್ಕೆ ಹೆಚ್ಚಿದ ಕಳಲೆ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ ಬೋ೦ಡ ಥರ ಹೊ೦ಬಣ್ಣ ಬರುವವರೆಗೆ ಎಣ್ಣೆಯಲ್ಲಿ ಕರಿಯಿರಿ.

ಸೂಚನೆ: ಕಳಲೆ ಸಿಪ್ಪೆ ತೆಗೆದು ಸ್ಲೈಸ್ ಅಥವಾ ಸಣ್ಣದಾ ಹೆಚ್ಚಿ ೩ ದಿನ ನೀರಿನಲ್ಲಿ ನೆನೆಸಿಡಬೇಕು. ದಿನಾಲು ಒ೦ದು ಸಲ ನೀರು ತೆಗೆದು ಬೇರೆ ನೀರು ಹಾಕಬೇಕು. ಇಲ್ಲವಾದಲ್ಲಿ ವಾಸನೆಯಾಗುತ್ತದೆ.