ಶುಕ್ರವಾರ, ಜನವರಿ 8, 2016

ರಾಗಿ - ತರಕಾರಿ ಸೂಪ್ :

ಸಾಮಗ್ರಿಗಳು :
ಮಿಶ್ರ ತರಕಾರಿ : 1.5 ಕಪ್ (ಬೀನ್ಸ್, ಕ್ಯಾರಟ್, ಕ್ಯಾಬೇಜ್)
ಸಣ್ಣಗೆ ಹೆಚ್ಚಿದ ಪಾಲಕ್ ಸೊಪ್ಪು : 1/4 ಕಪ್,
ರಾಗಿ ಹಿಟ್ಟು : 1- 1.5 ಟೇಬಲ್ ಚಮಚ,
ಉಪ್ಪು : ರುಚಿಗೆ,
ಲಿಂಬು : ಅರ್ಧ 

ಪೇಸ್ಟ್ ಗೆ ಸಾಮಗ್ರಿಗಳು :
ಬೆಳ್ಳುಳ್ಳಿ : 5-6 ಎಸಳು,
ಒಣ ಮೆಣಸಿನ ಕಾಯಿ : 7-8,

ಪೇಸ್ಟ್ ಮಾಡುವ ವಿಧಾನ : ಒಣ ಮೆಣಸಿನ ಕಾಯನ್ನು 15-20 ನಿಮಿಷ ಸ್ವಲ್ಪ ಬಿಸಿ ನೀರಿನಲ್ಲಿ ನೆನೆಸಿ. ನಂತರ ಒಣಮೆಣಸು ಮತ್ತು ಬೆಳ್ಳುಳ್ಳಿ ಹಾಕಿ ರುಬ್ಬಿ. ಇದನ್ನು ಜಾಸ್ತಿ ಇದ್ದರೆ ಫ್ರಿಡ್ಜ್ ನಲ್ಲಿ ಸ್ವಲ್ಪ ದಿನಗಳವರೆಗೆ ಇಟ್ಟುಕೊಳ್ಳಬಹುದು. 

ಸೂಪ್ ಮಾಡುವ ವಿಧಾನ:
ತರಕಾರಿಗಳನ್ನು ಸಣ್ಣಗೆ ಹೆಚ್ಚಿಕೊಳ್ಳಬೇಕು. ಕ್ಯಾಬೇಜ್ ಅನ್ನು ಸ್ವಲ್ಪ ಉದ್ದುದ್ದಕ್ಕೆ, ತೆಳ್ಳಗೆ ಹೆಚ್ಚಿಕೊಳ್ಳಿ. ರಾಗಿ ಹಿಟ್ಟಿಗೆ ಸ್ವಲ್ಪ ನೀರು ಹಾಕಿ ಗಂಟಾಗದಂತೆ ಕಲಕಿಕೊಳ್ಳಿ. ಎರಡೂವರೆ ಮೂರು ಕಪ್ ನಷ್ಟು ನೀರನ್ನು ಕುದಿಸಿ. 

ಅದಕ್ಕೆ ಹೆಚ್ಚಿದ ತರಕಾರಿ ಸ್ವಲ್ಪ ಉಪ್ಪು ಹಾಕಿ ಅರ್ಧ ನಿಮಿಷಕ್ಕೆ ಪಾಲಕ್ ಸೊಪ್ಪು ಹಾಕಿ ಉಪ್ಪು, 1 ಟೇಬಲ್ ಚಮಚದಷ್ಟು ಮಾಡಿಟ್ಟುಕೊಂಡ ಪೇಸ್ಟ್ ಹಾಕಿ ಕಲಕಿ. ತಕ್ಷಣ ರಾಗಿ ನೀರನ್ನು ಹಾಕಿ ರಾಗಿ ಬೇಯುವ ತನಕ ಕುದಿಸಿ. ಕೊನೆಯಲ್ಲಿ ಲಿಂಬುರಸ ಹಾಕಿ ಕೆಳಗಿಳಿಸಿದರೆ ಬಿಸಿ ಬಿಸಿ ಸೂಪ್ ರೆಡಿ. 


ಸೂಚನೆಗಳು:
1) ತರಕಾರಿ ಅರ್ಧ ಮಾತ್ರ ಬೇಯುವಂತೆ ಎಚ್ಚರ ವಹಿಸಿ. 
2) ಈ ಸೂಪ್ ಗರ್ಭಿಣಿಯರಿಗೆ ಆರೋಗ್ಯಕರ. 
3) ಡಯಟ್ ಮಾಡುವವರು ಬೇರೆ ಗಟ್ಟಿ ಆಹಾರ ಬಿಟ್ಟು ಇದನ್ನೇ ಅಭ್ಯಾಸ ಮಾಡಿಕೊಂಡರೆ ಅಗತ್ಯ ಪೋಷಕಾಂಶಗಳ ಜೊತೆ ರುಚಿಯಾಗಿಯೂ ಇರುತ್ತದೆ. 

1 ಕಾಮೆಂಟ್‌: