ಹುಣಸೆ ಹಣ್ಣಿನ ಅಪ್ಪೆಹುಳಿ (ಹುಳಸೆ ಹುಳಿ):

ಸಾಮಗ್ರಿಗಳು : ಹುಣಸೆಹಣ್ಣು - ಚಿಕ್ಕ ನಿ೦ಬೆ ಹಣ್ಣಿನ ಗಾತ್ರ, ಈರುಳ್ಳಿ -1 , ಎಣ್ಣೆ 1/2
ಚಮಚ, ಒಣಮೆಣಸು - 1, ಸಾಸಿವೆ - 1/2 ಚಮಚ, ಬೆಲ್ಲ  -2 ಚಮಚ , ಉಪ್ಪು.

ವಿಧಾನ : ಹುಣಸೆಹಣ್ಣನ್ನು 15 ನಿಮಿಷ ನೀರಲ್ಲಿ ನೆನೆಸಿಡಿ. ಈಗ ಹುಣಸೆ ರಸ ತೆಗೆದು ಅದಕ್ಕೆ 2 ಲೋಟ ನೀರು ಹಾಕಿ. ಈಗ ಉಪ್ಪು ಬೆಲ್ಲ ಹಾಕಿ ಕಲಕಿ. ಒಗ್ಗರಣೆ ಸೌಟನ್ನು ಒಲೆಯ ಮೇಲಿಟ್ಟು ಸಣ್ಣ ಉರಿ ಇಟ್ಟುಕೊಳ್ಳಿ ಅದಕ್ಕೆ ಎಣ್ಣೆ ಹಾಕಿ ಬಿಸಿ ಆದ ಮೇಲೆ ಸಾಸಿವೆ ಹಾಗೂ ಒಣಮೆಣಸು ಹಾಕಿ ಚಿಟಪಟ ಆದ ಮೇಲೆ ಈ ಒಗ್ಗರಣೆಯನ್ನು ಹುಣಸೇನೀರಿಗೆ ಹಾಕಿ ನ೦ತರ ಇದಕ್ಕೆ ಈರುಳ್ಳಿಯನ್ನು ಸಣ್ಣದಾಗಿ ಹೆಚ್ಚಿ ಹಾಕಿದರೆ ಹುಣಸೆ ಹಣ್ಣಿನ ಅಪ್ಪೆಹುಳಿ (ಹುಳಸೆ ಹುಳಿ) ಅನ್ನದ ಜೊತೆ ಸವಿಯಲು ಸಿದ್ದ.