ಸಾಮಗ್ರಿ: ಕನ್ನೆ ಕುಡಿ - 8-10, ತೆಂಗಿನ ತುರಿ - 1 ಕಪ್, ಜೀರಿಗೆ 1/2 ಚಮಚ, ಎಣ್ಣೆ 3 ಚಮಚ, ಬೆಳ್ಳುಳ್ಳಿ 10-12 ಎಸಳು, ಹಸಿ ಮೆಣಸು / ಸೂಜು ಮೆಣಸು ಖಾರಕ್ಕೆ ತಕ್ಕಷ್ಟು, ಸಾಸಿವೆ ಒಗ್ಗರಣೆಗೆ, ಉಪ್ಪು-ನಿಂಬೆ ರಸ ರುಚಿಗೆ ತಕ್ಕಷ್ಟು.
ವಿಧಾನ: ಬಾಣಲೆಗೆ 1 ಚಮಚ ಎಣ್ಣೆ ಹಾಕಿ ಕಾದ ನಂತರ ಜೀರಿಗೆ, ಹಸಿಮೆಣಸು/ಸೂಜು ಮೆಣಸು ಹಾಕಿ ಬಾಡಿಸಿ. ನಂತರ ಇದಕ್ಕೆ ಕನ್ನೆ ಕುಡಿ ಹಾಕಿ ಎಲೆಯ ಹಸಿ ವಾಸನೆ ಹೋಗುವ ತನಕ ಹುರಿಯಿರಿ. ನಂತರ ಮಿಕ್ಸರ್ ಗೆ ತೆಂಗಿನ ತುರಿ, ಹುರಿದ ಮಿಶ್ರಣ, 2 ಎಸಳು ಬೆಳ್ಳುಳ್ಳಿ, ಉಪ್ಪು ನೀರು ಹಾಕಿ ರುಬ್ಬಿ. ಉಳಿದ ಬೆಳ್ಳುಳ್ಳಿಯನ್ನು ಜಜ್ಜಿಕೊಳ್ಳಿ. ರುಬ್ಬಿದ ಮಿಶ್ರಣಕ್ಕೆ ಸ್ವಲ್ಪ ತೆಳ್ಳಗಿನ ಚಟ್ನಿಯ ಹದಕ್ಕೆ ನೀರು ಹಾಕಿ, ನಿಂಬೆ ರಸ ಹಾಕಿ. ನಂತರ ಇದಕ್ಕೆ 2 ಚಮಚ ಎಣ್ಣೆ, ಸಾಸಿವೆ, ಜಜ್ಜಿದ ಬೆಳ್ಳುಳ್ಳಿಯನ್ನು ಹಾಕಿ ಬಾಡಿಸಿ ಒಗ್ಗರಣೆ ಮಾಡಿ. ಸ್ವಲ್ಪ ಖಾರ ಜಾಸ್ತಿಯಿದ್ದರೆ ರುಚಿ ಜಾಸ್ತಿ. ಇದು ಅನ್ನದ ಜೊತೆ ಚೆನ್ನಾಗಿರುತ್ತದೆ.
ಕಾಮೆಂಟ್‌ಗಳಿಲ್ಲ:
ಕಾಮೆಂಟ್‌ ಪೋಸ್ಟ್ ಮಾಡಿ